Du Tartare.

LEs plus meſchãtes ames ſoüillees de ſi griefs & deteſtables crimes qu’il n’y auoit point de ſalut pour elles, leur procés faict & parfait par les Iuges ſuſdits eſtoient liurees entre les mains de ces bourreaux pour les abyſmer dans le Tartare, lieu deſtiné pour les damnez, ſans clairté, plein de troubles, de fremiſſemens, de heullemens & lamentations, d’où iamais l’on ne ſortoit ; leſquelles traditions quant à ce poinct ne different en rien de la doctrine Chreſtienne, ſinon en ce qu’ils embroüilloient de contes fabuleux cette doctrine que nous auons maintenant tres-pure & manifeſte.