AInſi doncques les Anciens par pluſieurs exemples & raiſons nous exhortoient à probité & humanité enuers nos hoſtes ou eſtrangers : ce qu’ils ont auſſi faict par la Fable de Lycaon ; car afin que la preſence des hoſtes & paſſants incitaſt vn chacun à humanité & courtoiſie, ils ont quelquefois introduit les Dieux viſitans les hommes & logeans chez eux, & puniſſans rigoureuſement ceux qui traittoient cruellement leurs hoſtes ; faiſans au contraire de grandes & honorables recompenſes à ceux qui les auoient humainement & benignement recueillis.